Fundación eAtlantic Fundazioa Europako Atlantikoan errotuta dagoen eta Euskadin egoitza duen irabazi-asmorik gabeko erakundea da, eta Europako Batasunaren integrazio-proiektua sakontzen laguntzeko helburuarekin sortu da. Helburu hori Europar Batasunaren itsasertz atlantikotik begiratuta garatzen da, eta herritarrengandik gertuen dauden gobernu-mailen protagonismo handiagoa aitortzen duen gobernantza-eredu baten oinarrian.

Gaur egungo bidegurutzean aurrera egiteko, Europar Batasunak herritarren konfiantza sortuko duen eredu instituzional eta soziala definitu behar du, eta gaitasunak eta borondateak batu behar ditu ekonomikoki, sozialki eta ingurumenari dagokionez iraunkorra izango den proiektu baten inguruan; ongizatea eta aberastasuna ekarriko dituena eta kohesio sozial eta lurraldekoa sakonduko duena. Horrez gain, Europar Batasuna eragile geopolitiko gisa behar da, osatzen duten lurraldeek beren potentzial guztia garatzeko baldintzak sortuz.

Fundación eAtlantic Fundazioak gogoetarako eta ekintzarako foro irekia eta plurala izatea du xede, solaskidetzarako eta proposamenak egiteko gaitasun handikoa, eta EBko itsasertz atlantikoko eragileen eta estatupeko gobernuen topagune gisa sendotzea bilatzen du.