eAtlantic Fundazioak Aholkularitza Batzordea bildu du Europa eta Hego Globala ikuspegi azpiestataletik proiektuari hasiera emateko. Proiektua Ford Fundazioaren babesarekin gauzatzen da. Jardunaldiak urtarrilaren 21ean eta 22an izango dira Bilbon, eta Latinoamerikako, Afrikako eta Europako hainbat sektoretako adituak bilduko ditu.

Proiektuaren helburua da Europaren eta Hegoaldeko herrialdeen arteko elkarrizketa sustatzea, bereziki estatupeko agintarien mailan —hau da, autonomia-erkidegoetako, estatu federatuetako zein eskualdeetako gobernuak, eta tokiko erakundeak ere—, baita gizarte-erakundeak, sektore pribatua, elizak eta bi aldeetako beste eragile batzuk ere. Halaber, elkarrizketa hori tokiko mailako ekimenak eta eztabaidak estatu-mailara, eta handik espazio multilateralera, proiektatzeko moduetara bideratu nahi ditu.

Proiektua NBEko idazkari nagusi Antonio Guterresen ideian oinarritzen da: multilateralismo inklusibo eta parte-hartzailea sustatzea, “maila anitzeko diplomazia” deritzonaren bidez.