Fundación eAtlantic Fundazioaren ezaugarrietako bat da ikuspegi eta diziplina ezberdinen integrazioa bere ekimen guztietan. Ikuspegi-aniztasunak gizarte-, ekonomia-, ingurumen- eta erakunde-erronkak sakonago ulertzea ahalbidetu, azterketa aberastu eta, ondorioz, soluzio sendoagoak proposatzeko aukera ematen du. Era berean, gizarte-, ekonomia-, ingurumen-, teknologia- eta kultura-zientzien arteko elkarrizketa sustatzen duten ikuspegi integratuek erabaki informatu, berritzaile eta iraunkorragoak hartzea ahalbidetzen dute.

Euskadik modu aktiboan parte hartu du Europako herrien arteko “batasun estuago baten” idealaren aldeko mugimenduetan. Fundación eAtlantic Fundazioa sentimendu europar zabal horrekin konektatzen da, eta urteetan erakundeek eta ehun sozioekonomikoak pilatutako ezagutza baliatu nahi du. Oinarri sendo horretatik abiatuta, fundazioaren jarduera-eremua Europar Batasun osoan zehar hedatzen da, arreta berezia jarriz bere itsasertz atlantikoan eta gobernu subestataletan, baina Amerikan eta Afrikan dauden itsasertz atlantikoekiko begirada galdu gabe.

Lankidetza eta sare-lana funtsezkoak dira edozein ekimenek inpaktu eta eraginkortasun handiagoa izan dezan. Sinesmen horretatik abiatuta, Fundación eAtlantic Fundazioak topagune izan nahi du, proiektu partekatuak diseinatzeko espazio eta bere helburu fundazionalekin lotutako eragile publiko eedota pribatuen arteko aliantzak sortzeko tresna.

Irekitasuna, gardentasun, inklusio eta eragile guztiekin zein herritarrekin elkarrizketa izateko borondatearen sinonimo gisa. Partaidetza, hartu beharreko jarrerak eta proposamenak benetako beharretara egokitzea eta, horrela, zilegitasun eta eraginkortasun handiagoa lortzea helburu.